E ardhmja e trajnerit Edi Reja në udhëkryq

Futboll

E ardhmja e trajnerit Edi Reja në udhëkryq

Më: 25 shtator 2022 Në ora: 13:21
E ardhmja e trajnerit Edi Reja në udhëkryq

Edy Reja është në përfundim të kontratës me Shqipërinë dhe FSHF duhet të marrë një vendim për të ardhmen e italianit. Humbja me Izraelin dhe rezultatet në Ligën e Kombëve bëjnë që tekniku të jetë në udhëkryq.

Sigurisht do të merret një vendim i pjekur, pasi në FSHF bëhet një bilanc edhe sa i takon aspektit financiar dhe mundësisë për të marrë një tjetër trajner të huaj që mund ta ngrijë nivelin e kombëtares së Shqipërisë. Para ndeshjes me Izraelin, presidenti Armand Duka i la të hapura të gjitha mundësitë.

“Pa dyshim që do të diskutojmë me trajnerin.

Trajneri i Kombëtares, siç e kam thënë, ka bërë një punë shumë të mirë dhe vazhdon ta bëjë atë dhe nëse do të duhet të vazhdojmë në të ardhmen pa dyshim që do të jetë diskutim konsensual mes meje dhe trajnerit.

Nuk do të ketë një divorc të sforcuar, pavarësisht nga rezultatet. Dhe kjo nuk do të thotë se vërtetë do të ketë një ndarje. Nëse do të jetë dëshira e tij për të vazhduar dhe nëse e sheh se mund ta ndihmojë ende kombëtaren, pse jo,” tha mes tjerash Duka për Supersport..

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat