Kosova dhe Qipro do të përballen në mes vete nesër

Futboll

Kosova dhe Qipro do të përballen në mes vete nesër

Më: 26 shtator 2022 Në ora: 12:18
Kosova dhe Qipro do të përballen në mes vete nesër

Kombëtarja e Kosovës do ta zhvillojë sot seancën e fundit stërvitore para ndeshjes me Qipron.

“Dardanët” janë rikthyer në atdhe pas sfidës që e patën ndaj Irlandës së Veriut, të cilën e humbën në fund, 1:2.

Tash, Vedat Muriqi me shokë e kanë harruar atë përballje dhe po shikojnë përpara, të fokusuar totalisht në duelin e nesërm ndaj qipriotëve.

Federata e Futbollit të Kosovës e ka zbuluar agjendën e sotme, kur edhe do të mbyllen përgatitjet për ndeshjen e fundit të këtij edicioni të Ligës së Kombeve.

Më saktësisht, selektori Alain Giresse do ta mbajë një konferencë për shtyp në orën 17:00, ndërsa stërvitja e ekipit do të mbahet nga ora 17:30 në stadiumin “Fadil Vokrri”.

E qipriotët do të mbajnë konferencë për shtyp nga ora 18:30, kurse stërvitjen do ta zhvillojnë nga ora 19:00.

Kosova dhe Qipro do të përballen në mes vete nesër mbrëma në Prishtina në kuadër të Grupit 2 të Ligës C.

Kjo ndeshje do të jetë e rëndësishme për Kosovën pasi i nevojitet fitorja për të mbetur në këtë ligë.

Në të kundërtën, nëse humb nga Qipro dhe nëse Irlanda e Veriut e mund Greqinë, “Dardanët” rrezikojnë të bien në Ligën D.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat