Skriniar mund t’i bashkohet PSG-së në janar

Futboll

Skriniar mund t’i bashkohet PSG-së në janar

Më: 27 shtator 2022 Në ora: 15:16
Skriniar mund t’i bashkohet PSG-së në janar

Milan Skriniar mund t’i bashkohet Paris Saint-Germainit në afatin kalimtar të janarit të ardhshëm.

Qendërmbrojtësi sllovak s’e ka ndërmend ta pranojë ofertën e Interit për vazhdimin e kontratës dhe për këtë arsye, palët mund të ndahen pas pjesës së parë të sezonit.

Lajmin e ka bërë të ditur e përditshmja italiane “Gazzetta dello Sport”.

“Nerazzurri” ia kanë ofruar mbrojtësit stabil një kontratë të re me një rrogë prej 6 milionësh neto në vit, kurse lojtari i kërkon 7.5 milionë.

Skriniar ka kontratë me Zikaltrit deri në vitin 2023 dhe nëse nuk e vazhdon kontratën, mund të largohet si lojtar i lirë verën e ardhshme.

Sidoqoftë, Interi, për të fituar sadopak para, mund të vendosë ta shesë lojtarin në janar dhe PSG-ja është e gatshme ta transferojë atë në “Parkun e Princave”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat