Klubit Europian i soset durimi

Futboll

Klubit Europian i soset durimi

Më: 28 shtator 2022 Në ora: 23:30
Klubit Europian i soset durimi

Bëmat dhe kapriçot e njëpasnjëshme i kanë kushtuar shtrenjtë futbollistit algjerian Joucef Belaili. Klubi francez i Brest i ka treguar derën 30-vjeçarit, duke i bërë dalje. Lojtari u bë një barrë për klubin  që ka vendosur të marrë masën ekstreme, duke e larguar.

Belaili fillimisht ka dërguar kushëririn e tij të kryejë testet mjekësore në vend të tij gjatë fillimit të përgatitjeve për sezonin 2022/23. Gjithashtu ai ka refuzuar të kthehet me autobus së bashku me shokët e skuadrës pas transfertës me PSG-në, duke qëndruar në Paris me shpenzimet e klubit.

Një tjetër veprim aspak profesional ka qenë ai kur 30-vjeçari është shtirur si i sëmurë për të shmangur fotot zyrtare të klubit.

Për më tepër edhe sjellja e tij në jetën private ka qenë jo normale. Algjeriani la shtëpinë e tij me qira me dëme të konsiderueshme, që kapin vlerën e 50 mijë eurove. Dyshemeja ishte deformuar, dyshekët duheshin ndërruar dhe dyert e gardërobës ishin thyer. Gjithashtu Belaili ka qenë në listën e zezë të disa hoteleve, duke lënë të dëmtuara dyert e tyre.

Sjellja e tij ishte e papranueshme dhe prania e tij i kushtonte arkave të klubit 30 mijë euro në muaj. Në të shkuarën 30-vjeçari është ndaluar të luajë futboll për dy vite, teksa pinte shisha dhe rezultoi pozitiv në testin e kokainës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat