Onana sërish titullar, Asllani në pankinë

Futboll

Onana sërish titullar, Asllani në pankinë

Më: 16 tetor 2022 Në ora: 11:40
Onana sërish titullar, Asllani në pankinë

Do të startojë në orën 12:30, në stadiumin “Giuseppe Meazza”, sfida Inter-Salernitana, e vlefshme për javën e 10-të në Serinë A italiane.

Zikaltërit e Simone Inzagit vijnë me moral të lartë në këtë takim pas fitores në fundjavë ndaj Sasuolos dhe barazimit në “Camp Nou” kundër Barcelonës dhe do të tentojnë të marrin një tjetër rezultat pozitiv për të ruajtur këtë vazhdimësi.

Vlen të theksohet se Andre Onana rikonfirmohet sërish mes shtyllave, Açerbi i zë vendin Bastonit në qendër të mbrojtjes, ndërsa mesfushori i Kombëtares shqiptare, Kristjan Asllani do ta nisë këtë ndeshje nga pankina.

FORMACIONET ZYRTARE –

INTER – (3-5-2): Onana; Skriniar, De Vraj, Açerbi; Dumfris, Barela, Çalhanollu, Mikitarjan, Dimarko; Lautaro Martinez, Xheko. Trajner: Simone Inzagi.

SALERNITANA – (3-5-2): Sepe; Giomber, Daniliuç, Pirola; Kandreva, Kulibali, Kastanos, Vilhena, Maxoki; Dia, Piontek. Trajner: Davide Nikola.

comment Për komente lëvizni më poshtë
Sot mund të lexoni Shfletoni kopertinat