Argjentina fitoi ndeshjen e tretë të Grupit C ndaj Polonisë dhe ia doli të kualifikohej në fazën e 1/8-tave në Kupën e Botës, Katar 2022. Nga ana tjetër, edhe polakët avancuan pasi e mbyllën si vend i dytë grupin ndërsa në fund të ndeshjes të dyja palët festuan.
Ndërkohë, një nga imazhet më interesante ishte edhe ai takim i Lionel Messit dhe Robert Lewandowskit me të gjithë palët që u bënë kurioz të mësonin bisedën e yjeve.
Gjithsesi, edhe pse disa ditë me vonesë, Lewandowski tregon mbi atë që bisedoi me Messin duke theksuar se ishte diçka mjaft argëtuese.
“Folëm për disa momente dhe ishte shumë argëtuese. I thashë Messit që po luante në një mënyrë më defensive, ndryshe nga sa e kemi parë. Ishte diçka ndryshe, megjithatë kur skuadra ka nevojë të gjithë bëjnë maksimumin për ta ndihmuar atë”, u shpreh Lewandowski.
