Marokenët ekspertë në penallti?

Futboll

Marokenët ekspertë në penallti?

Më: 6 dhjetor 2022 Në ora: 20:45
Marokenët ekspertë në penallti?

Maroku ka mundur sot me penalti Spanjën duke i dhënë fund aventurës së skuadrës së Luis Enrikes në Botëror. Kundrejt çdo parashikimi, marokenët ishin më të saktë nga pika e bardhë e penalltive duke fituar 3-0 përballë iberikëve.

Shumëkush mund të mendojë se kjo ishte pasojë e ecurisë së një skuadre eksperte në gjuajtjet e penalltive, kundrejt një Spanje që nuk ka edhe aq shumë sukses në të tilla historikisht duke dalë shpesh në këtë mënyrë jashtë aktiviteteve. Por e vërteta është ndryshe.

Rezulton se kjo e sotmja ishte fitorja e parë e Marokut me penallti në historinë e kësaj përfaqësueseje në aktivitete madhore ndërkombëtare, jo vetëm në Botëror.

Maroku kishte gjuajtur penalltitë për herë të parë në Kupën e Afrikës ndaj Algjerisë në vitin 1988, duke humbur. I njëjti fat edhe ndaj Beninit, në Kupën e Afrikës në vitin 2019. Ndërsa sot, ishte vetëm hera e tretë që Maroku gjuante penallti në një aktivitet madhor dhe më në fund ia doli të regjistronte një sukses, duke mundur një nga emrat e mëdhenj të futbollit botëror.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat