Osasuna festoi një fitore të rëndësishme kundër Betisit në raundin e radhës të Kupës së Mbretit.
Ndeshja përfundoi 2-2 pas kohës shtesë, duke arritur kështu te penalltitë, ku skuadra nga Arrasate realizoi katër 11-metërsha dhe priti dy nga katër të tilla, duke siguruar kështu çerekfinalet.
Në rrjetet sociale, llogaria zyrtare e klubit ka zbuluar një sekret të përdorur nga portieri Sergio Herrera. “Goditjet e penalltisë nuk janë çështje fati. Është vëzhgim dhe studim.
Të gjithë portierët tanë dhe trajneri i tyre, Richard Sanzol janë të mrekullueshëm”, – shkruan Osasuna në rrjetet sociale. Bashkëngjitur është një foto e shishes plastike të zakonshme të ujit të përdorur nga portierët, por me një fletë të bashkangjitur rreth saj.
Mbi të ishin shkruar të gjithë goditësit e mundshëm të penalltive, me anën e tyre më të shpeshtë dhe llojin e gjuajtjes më të përdorur.
