Kristjan Asllani ishte lajmi i vetëm i mirë për Interin në humbjen e mbrëmshme ndaj Empolit.
Futbollisti shqiptar u fut në fushë në pjesën e dytë kundër ish-klubit të tij, duke bërë një paraqitje shumë mirë.
Tani Inzaghi pritet t’i japë një shans për ta aktivizuar si titullar ndaj Cremoneses.
“Aspekti më befasues i performancës së tij është personaliteti me të cilin numri 14 hyri në fushë.
Nuk ka frikë nga marrja e topit apo të provojë lëvizje të rrezikshme në zona të ngushta”, shkruhet në vlerësimin e mediave italiane për të..
Simone Inzaghi mund të vendosë t’i japë atij një shans kundër Cremoneses. Arsyet janë të ndryshme.
Së pari i jep më shumë liri Mkhitaryan, i cili dje u pa në vështirësi. Arsyeja e dytë lidhet me entuziazmin që përcjell Asllani në fushën e lojës.
Mesfusha me të në fushë duket më dinamike.
Muaji shkurt do të jetë i mbushur me ndeshje, ndaj dhe rotacioni do të jetë mëse i dobishëm për strategun e Interit.
