Partizani është një nga klubet me më shumë tifozë, por edhe të kuqtë e reflektojnë uljen e numrit të spektatorëve nëpër stadiume në vitet e fundit.
Derbi është e vetmja ndeshje që “thith” interesin e tifozëve, teksa në përballjet e tjera tifozët në stadium janë të paktë, edhe pse tashmë nuk po luhet më në Elbasan, por në stadiumin e ri.
Mesatarja e të kuqve në ndeshjet e këtij sezoni është 900 tifozë për ndeshje, një statistikë zhgënjyese, e ndikuar nga shumë faktorë, që do të kërkonin një analizë të gjatë për t’i nxjerrë.
Ndërkohë, në katër ndeshjet e fundit prania e tifozëve ka qenë më e ulët se 900 tifozë, ndikuar edhe nga rezultatet.
Uljen e numrit të tifozëve e reflektojnë thuajse të gjitha ekipet.
