Tifozët nuk po e linin të ikte, kaosi i Osimhen dhe Napoli që po e fiton Serinë A para kohe!
Napoli nuk ka konkurrencë në këtë sezon sa i përket fitimit të Serisë A.
Ekipi i Spaletit ka triumfuar edhe në transfertë ndaj Spezias me shifrat 0-3.
Dy gola u shënuan nga Osimhen që është kthyer në idhullin e tifozëve.
Përpara ndeshjes sulmuesi shkoi në tribuna për t’u përshëndetur me tifozët.
Por një situatë kaotike u krijua pasi ata kërkonin të gjithë foto dhe nuk po e linin Osimhen që të rikthehej në fushën e blertë.
Lojtari u kthye me dy gola të shënuara dhe tani Napoli renditet me 16 pikë më tepër sesa Interi i vendit të dyt.
