Argjentina fitoi Botërorin 2022 me një finale që do të kujtohet gjatë përballë Francës.
Por po aq gjatë do të kujtohet dhe festimi skandaloz i portierit Emiliano Martinez, i cili pasi mori trofeun e “Dorashkës së Artë” si portieri më i mirë i Botërorit, e vendosi atë si pe*is përpara.
Pamjet bënë xhiron e botës pasi ishte një nga evenimentet më të ndjekur dhe kjo situatë krijoi shumë polemika. Martinez kërkoi ndjesë pasi u kthye në Angli dhe shpjegoi se kishte qenë një bast me shokët e skuadrës.
Por në festën e organizuar para ndeshjes miqësore ndaj Panamasë, ai dhe shokët e tij kanë bërë të njëjtin festim, këtë herë duke vendosur si pe*is trofeun e Kupës së Botës.
Martinez, Pecela, Rodriguez, Ruli dhe Akunja u shfaqën krenarë para kamerave duke mbajtur të gjithë trofeun përpara tyre dhe duke krijuar skenën e famshme, teksa festonin para 83 mijë tifozëve në “Estadio Mas Monumental” të Buenos Aires.
