Roberto Donadoni i ka dhënë këshillat e tij lojtarit potencialisht më të fortë të Milanit:
“Ai duhet të punojë me vetëdijen për të qenë në gjendje të rritet më tej, duke u bërë më konkret përpara dhe më i vazhdueshëm në 90 minuta.
Nëse e bën këtë, ai do të jetë një lojtar i jashtëzakonshëm.
Kur futet në fushë, aspekti që lidhet me rinovimin e kontratës mbetet jashtë.
Përsa i përket rolit të tij, Leao ka ndryshuar pak kohët e fundit, jam i bindur që Pioli ka folur për këtë me të.
Të jesh më fleksibël mund të jetë avantazh. Kur Rafa të jetë më i kompletuar, ai do të bëhet një kampion”.
Ndërkohë, takimi i ri mes presidentit të Milanit, Paolo Scaroni dhe kryebashkiakut të Milanos, Beppe Sala pati në qendër të bisedës zonën e La Maura.
Kuqezinjtë, të cilët duhet të vazhdojnë urgjentisht për të ndërtuar stadiumin e tyre, do të donin të qëndronin brenda kufijve të qytetit, por vetëm nëse procesi burokratik është i shpejtë dhe i qetë, ata do të vazhdojnë në këtë rrugë.
Çdo plan B do t’i nxirrte jashtë bashkisë, një zgjidhje që është dukshëm e dëmshme edhe për qytetin dhe jo vetëm për tifozët. Lajmi është bërë i ditur nga “Gazzetta dello Sport”.
