Christian Eriksen ka vënë në dukje dy problemet kryesore të Manchester United këtë sezon.
United e ka nisur shumë keq sezonin dhe është në vendin e 10-të në renditje.
Klubi ende nuk ka marrë një pikë në grupin e Champions League me dy humbje nga dy ndeshje.
Scott McTominay e shpëtoi skuadrën në fundjavë me dy golat e tij në minutat shtesë, për të mposhtur Brentford 2-1.
United do të shpresojë t’i japë vazhdimësi kësaj fitoreje kur lojtarët të kthehen nga pushimi ndërkombëtar.
Eriksen beson se dëmtimet e shumta të United janë një nga shkaqet e fillimit të keq të sezonit – dhe tjetri është se ata thjesht kanë pësuar shumë gola.
I pyetur për fillimin e sezonit të United në grumbullimin me kombëtaren, ai tha: “Mendoj se duhet ta pyesni trajnerin se çfarë mendon.
“Ne jemi goditur rëndë nga dëmtimet në mbrojtje. Thjesht kemi pësuar shumë gola.
“Isha sëmurë javën e kaluar, por jam mirë. Nuk kam asnjë problem. Trupi ndihet mirë dhe sigurisht që dua të luaj çdo ndeshje.
“Por nëse i keni parë ndeshjet, mund të shihni gjithashtu se (Ten Hag) luan me tipa pak më të ndryshëm se unë”.
Danimarka ka dy ndeshje të favorshme gjatë pushimit ndërkombëtar, të cilat duhet t’i japin Eriksen mundësinë të pushojë pak.
Danezët përballen me Kazakistanin dhe San Marinon në kualifikueset për Euro 2024.
Danezët do të duhet të fitojnë megjithatë pasi janë në vendin e dytë pas Sllovenisë për shkak të diferencës së golave.
Finlanda dhe Kazakistani janë të dyja një pikë prapa danezëve.
