Lajmi i ditës në Gjermani është ndarja e bujshme e Edin Terzic nga Borussia Dortmund.
Më pak se dy javë pas humbjes në finalen e Champions League ndaj Real Madrid-it, trajneri gjerman dha dorëheqjen pas tre vitesh e gjysmë në krye të “verdhezinjve”.
Në një situatë të tillë, Dortmund është vënë menjëherë në lëvizje për të gjetur trajnerin e ri, me “verdhezinjtë” që sipas raportimeve të medieve gjermane pritet t’i besojnë Nuri Sahin drejtimin e ekipit.
Sipas raportimeve në ditët në vijim pritet të vijë edhe zyrtarizimi i 35-vjeçarit, me turkun që e njeh mjaft mirë ambientin, pasi më herët ka luajtur për këtë skuadër si dhe ka punuar edhe si ndihmës trajner.
