Juventusi është ende si një kantier i hapur. Nevojat për të paktën dy anësore dhe një mesfushor ofensiv dihen.
Për momentin drejtori Xhuntili mbetet në kontakt me homologun e tij te Fiorentina, Prade për të marrë dritën jeshile, e cila do të mbërrijë vetëm pas mbërritjes në Firence të Gudmundson.Edhe kjo pistë është ndërlikuar sepse përveç Interit që tundon islandezin, Xhenoa më parë duhet të marrë nga Brajtoni, Stiven Alcaten.
Duke parë frenimin e orëve të fundit, duket e vështirë që Tiago Motta do të ketë Niko Gonzalez për debutimin e tij në kampionat kundër Komos.
Marrëveshja është vendosur në 30 milionë euro dhe, shkruan “La Gazzetta dello Sport”. Sigurisht mund të ketë kompromise për të ulur shifrën, por duke pasur parasysh nevojën për të pasur argjentinasin sa më shpejt të jetë e mundur, ka shumë të ngjarë që MeKeni ose Kostiç drejt Firences të diskutohen veçmas deri në fund të afatit të merkatos.
ANËSORËT – Më pas Juvja do të tentojë t’i rrëmbejë Portos njërin mes Galenos dhe Fransisko Konseisaos, teksa mbetet ende në këmbë pista që të çon te Teun Kopmainersi të cilin Atalanta as nuk e grumbulloi për ndeshjen e Superkupës së Europës kundër Realit. Në rastin e holandezit që ka nxjerrë një raport nga psikologu për stres, bisedimet mund të zhvillohen gjatë fundjavë dhe për shifrën e 55 milionë eurove. Aspekt pozitiv për Juven është fakti që bergamaskët kanë bllokuar Met O’Rilejn e Sëlltikut, megjithatë kjo nuk është një garanci që transferimi do të kryhet. Ndërkohë, në orët e fundit ka dalë edhe emri i Markus Eduardsit.
Sipas asaj që raporton “A Bola”, në fakt bardhezinjtë kanë kryer një sondazh për 19- vjeçarin e Sportingut të Lisbonës, por për momentin pa bërë propozime zyrtare. Klubi luzitan, nga ana e tij, ka bërë të ditur se është gati të dëgjojë oferta duke filluar nga një çmim fillestar prej 25 milionë euro. Përveç bardhezinjve, anglezi kërkohet edhe nga Kristal Palasi dhe Al-Nassr, klub i Ligës Saudite.
