Detajet bëjnë diferencën ose fati është ai i cili i rregullon të gjitha sipas një linje të papërcaktueshme nga njerëzit dhe vullneti i tyre.
Nëse mendonit se Leo Messi ka lindur vetëm për Barcelonën, deklarata e fundit e agjentit të parë të “Pleshtit”, Horacio Gaggioli, do ta konfirmojë edhe më shumë këtë.
Ai është shprehur se Real Madridi dikur ka bërë presion për të firmosur me sulmuesin argjentinas kur ai ishte 18 vjeç, por ka marrë disa refuzime radhazi.
“Real Madrid u interesua për Leon kur ai ishte 16 apo 17 vjeç, por Leo kurrë nuk donte të largohej nga Barcelona.
Më pas u shfaq edhe Arsenali. Donte ta huazonte ose ta blinte, por përgjigja ishte e njëjtë”.
