Vendimi i Simonsit varet nga planet e skuadrës

Futboll

Vendimi i Simonsit varet nga planet e skuadrës

Më: 22 prill 2025 Në ora: 11:53
Pamje nga një ndeshje

Bajern Munihu dëshiron transferimin e një mesfushori ofensivë për sezonin e ardhshëm. Talenti i madh gjerman Florian Virtz mbetet objektivi numër një, megjithatë nuk do të jetë e lehtë aspak për të nënshkruar me të pasi konkurrenca është e lartë.

Bajern Munihu e ka identifikuar yllin sulmues të RB Leipzig , Çavi Simons, si një alternativë të mundshme për Florian Virtzin të Bajer Leverkuzenit, sipas gazetarit të “Sky”, Filip Hinze.

“Unë kam ëndrra dhe klubi i di ato. Fokusi im është në ndeshjet e fundit, pastaj në ekipin kombëtar.

Pas kësaj, do të ulemi dhe do të shohim”, tha ai.

Lajpcigu nuk është i shqetësuar, me reporterin e “Sky”, Filip Hinze, duke theksuar se klubi është i hapur për një largim veror nëse plotësohet një paketë prej 80 milionë euro

Vendimi i Simonsit varet nga planet e skuadrës së Lajpcigut, trajneri i tyre i ardhshëm, kualifikimi në Ligën e Kampionëve dhe interesi nga klubet kryesore. Bajerni e sheh holandezin si zëvendësuesin adekuat nëse nuk arrihet me Virtzin, por edhe për Simons ka konkurrencë të madhe nga skuadrat angleze.

comment Për komente lëvizni më poshtë
Sot mund të lexoni Shfletoni kopertinat