Drita do ta vazhdojë ëndrrën evropiane

Futboll

Drita do ta vazhdojë ëndrrën evropiane

Më: 23 tetor 2025 Në ora: 13:32
Drita

Drita do ta vazhdojë ëndrrën evropiane sonte.

Kampionia e Kosovës do ta vazhdojë aventurën në fazën e ligës në Ligën e Konferencës, ku po paraqitet për herë të parë në histori të saj.

Gjilanasit e nxorën një barazim në xhiron e parë kundër ekipit finlandez KUPS, ndërsa tash do të paraqitet për herë të parë si vendëse në këtë fazë të garës.

Ekipi i Zekirija Ramadanit do ta presë sonte në stadiumin “Fadil Vokrri” në Prishtinë ekipin qipriot, Omonia, në ndeshjen që do të nisë prej orës 18:45.

Bardhekaltrit llogarisin në mbështetjen e tifozëve të tyre të flaktë për ta marrë një rezultat sa më të favorshëm, ndonëse kundërshtarët janë favoritë në letër.

comment Për komente lëvizni më poshtë
Sot mund të lexoni Shfletoni kopertinat