Xabi Alonso merr vendimin

Futboll

Xabi Alonso merr vendimin

Më: 22 janar 2026 Në ora: 19:18
Xabi Alonso

Pavarësisht se nuk ka shumë ditë nga largimi nga stoli i Real Madridit, interesi për Xabi Alonso-n është shumë i madh.

Emri i trajnerit bask është lidhur ditët e fundit me të paktën dy klube të njohura: Eintracht Frankfurt në Bundesligë dhe Tottenham në Premier League.

Klubi gjerman shkarkoi vetëm katër ditë më parë Dino Toppmöller, ndërsa në ndeshjen e djeshme në Champions League në humbjen 3-2 nga Qarabag, në krye të stolit ishte trajneri i U21, Dennis Schmitt.

Në anën tjetër, po ashtu Thomas Frank nuk është në pozita aspak të mira te Tottenham dhe rrezikon shumë shkarkimit, pavarësisht fitores në mesjavë në Champions League.

Ndërkohë, “The Times” zbulons e Xabi Alonso ka vendosur të pushojë plotësisht deri në qershor, duke hedhur poshtë çdo mundësi për një rikthim gjatë sezonit aktual.

comment Për komente lëvizni më poshtë
Sot mund të lexoni Shfletoni kopertinat