Vinicius “çmend” portugezët

Futboll

Vinicius “çmend” portugezët

Më: 18 shkurt 2026 Në ora: 16:04
Pamje nga ndeshja

Vinicius Junior ishte në qendër të një episodi të rëndë në stadiumin “Da Luz” gjatë sfidës mes Benficas dhe Real Madrid.

Pas golit të shënuar në minutën e 50-të, sulmuesi brazilian raportoi te gjyqtari ofendime raciste nga tribuna gjatë festimit.

Ai akuzoi gjithashtu lojtarin e Benficas, Gianluca Prestiani, për përdorimin e një epiteti racist.

Situata solli tension në fushë dhe ndeshja u ndërpre për disa minuta deri në qetësimin e gjendjes. UEFA ka nisur hetimet për rastin dhe nuk përjashtohet mundësia e masave disiplinore ndaj klubit portugez.

Në aspektin sportiv, Real Madrid fitoi 1-0 dhe hedh një hap të rëndësishëm drejt kualifikimit në 16 më të mirat e Champions League, me ndeshjen e kthimit që do ta luajë në shtëpi.

comment Për komente lëvizni më poshtë
Sot mund të lexoni Shfletoni kopertinat