Interi merr vendimin për trajnerin Chivu

Futboll

Interi merr vendimin për trajnerin Chivu

Më: 26 shkurt 2026 Në ora: 12:18
Chivu

Pavarësisht zhgënjimit europian pas humbjes ndaj Bodø/Glimt, e ardhmja e Interit me trajnerin Cristian Chivu duket e sigurt dhe afatgjatë.

Sipas raportimit të Il Giornale, drejtuesit zikaltër, të kryesuar nga presidenti Giuseppe Marotta, janë plotësisht të kënaqur me punën e teknikut rumun. Interi kryeson kampionatin dhe mbetet ende në garë për Kupën e Italisë, duke konfirmuar stabilitet dhe ambicie në sezonin e parë të Chivut në krye të ekipit të parë.

Si shpërblim për paraqitjet dhe soliditetin e treguar, klubi është gati t’i ofrojë një rinovim kontrate deri në vitin 2028, me opsion zgjatjeje edhe për vitin 2029. Marrëveshja e re do të shoqërohet me një rritje të pagës, një sinjal i qartë i besimit që drejtuesit kanë ndaj ish-mbrojtësit të tyre.

Interi e konsideron Chivun si figurën e duhur për të hapur një cikël të ri suksesi, duke ndërtuar një projekt të qëndrueshëm dhe fitues për vitet në vijim.

comment Për komente lëvizni më poshtë
Sot mund të lexoni Shfletoni kopertinat