Plasin polemikat në Angli nga VAR

Futboll

Plasin polemikat në Angli nga VAR

Më: 7 mars 2026 Në ora: 18:01
Foto ilustrim

Në Angli nuk ka kaluar pa debate vendimi i VAR-it në ndeshjen Tottenham–Crystal Palace, të luajtur të enjten.

Një gol i Ismaila Sarr, që u devijua dhe përfundoi pas portierit Guglielmo Vicario, u anulua pas një kontrolli video që zgjati disa minuta, duke shkaktuar reagime për shkak të ndalimit “milimetrik” për pozicion jashtë loje.

Në fillim, asistent-gjyqtari nuk kishte ngritur flamurin, por përsëritjet treguan se vetëm balli dhe hunda e sulmuesit kalonin vijën e mbrojtësit të Tottenham Hotspur,

Micky van de Ven. Qendra e ndeshjeve e Premier League konfirmoi vendimin përmes rrjeteve sociale, duke sqaruar se ofsajdi ishte konstatuar teknikisht.

Trajneri i Crystal Palace, Oliver Glasner, e shfrytëzoi situatën për të bërë shaka gjatë konferencës për shtyp: “I thashë Ismaila Sarr se kishte hundën shumë të madhe”.

comment Për komente lëvizni më poshtë
Sot mund të lexoni Shfletoni kopertinat