Bashkimi nga Kumanova ka pasur një edicion të lakmueshëm në elitën e futbollit të Maqedonisë së Veriut.
Skuadra shqiptare përfundoi në vend shtatë me 42 pikë të grumbulluara.
“Pas përfundimit të sezonit 2025/26, FC Bashkimi 1947 arriti objektivat e vendosura.
Pas rikthimit në Ligën e Parë pas 16 viteve, në vitin tonë të parë synimi ishte stabilizimi në ligë dhe ia dolëm me sukses.
E gjithë kjo nuk do të ishte e mundur pa njerëzit, kompanitë, firmat dhe sponsorët tanë që na ndihmuan gjatë këtij udhëtimi.
Klubi është mirënjohës për të gjithë ata që kontribuan dhe secilin veç e veç e falënderon nga zemra.
Shpresojmë që edhe vitin e ardhshëm të vazhdojmë bashkëpunimin dhe të arrijmë suksese edhe më të mëdha së bashku.
Ju faleminderit të gjithëve!”, ka shkruar në faqen e FC Bashkimit.