PSG tenton t’i prishë punë Barcelonës

Futboll

PSG tenton t’i prishë punë Barcelonës

Më: 29 maj 2026 Në ora: 11:37
Alvarez

Paris Saint-Germain është futur seriozisht në garë për transferimin e sulmuesit argjentinas Julian Alvarez dhe është gati të sfidojë FC Barcelona për firmën e tij.

Sipas raportimeve të fundit, kampioni francez po përgatit një ofertë marramendëse për të bindur Atletico Madrid që të lejojë largimin e sulmuesit. PSG thuhet se është e gatshme të ofrojë 120 milionë euro plus dy lojtarë në marrëveshje, në përpjekje për të mbyllur transferimin e një prej emrave më të kërkuar në merkato.

Klubi parisien e konsideron Alvarez si objektivin kryesor për repartin ofensiv dhe është i gatshëm të investojë fuqishëm për ta sjellë në “Parc des Princes”. Përveç ofertës së madhe për Atletico Madridin, PSG po planifikon edhe një pagë të jashtëzakonshme për kampionin e botës me Argjentinën.

Raportohet se drejtuesit francezë janë të gatshëm t’i ofrojnë Alvarezit një paketë financiare të ngjashme me atë të Ousmane Dembele, që kap vlerën e rreth 22 milionë eurove neto në sezon.

Në anën tjetër, edhe FC Barcelona vazhdon ta monitorojë nga afër situatën e sulmuesit argjentinas, por oferta e PSG-së mund ta vështirësojë ndjeshëm garën për katalunasit.

Tashmë mbetet të shihet nëse Atletico Madrid do të pranojë të hyjë në negociata për largimin e Alvarezit, i cili konsiderohet një nga shtyllat kryesore të projektit të klubit spanjoll.

Barcelona planifikon revolucion në verë, disa yje pranë largimit.

comment Për komente lëvizni më poshtë
Sot mund të lexoni Shfletoni kopertinat