Undav hero i fitores
Gjermania tregoi edhe një herë pse konsiderohet një nga kombëtaret më të mëdha në botë, duke përmbysur rezultatin ndaj Bregut të Fildishtë dhe duke triumfuar me shifrat 2:1 në ndeshjen e xhiros së dytë të Grupit E të Kampionatit Botëror.
Gjermania – Bregu i Fildishtë 2:1
Stadiumi "BMO Field", Toronto.
Gjyqtar: J. Benitez (Paraguaj).
Shikues: 43036.
Shënues: Undav (68' e 90+4') - Kessie (30')
Kartona të verdhë:
Gjermania: Neuer, Kimmich, Brown, Nmecha, Pavlloviq (60'), Schlotterbeck (Rudiger 46'), Tah, Sane (Leweling 60'), Musiala (Undav 60'), Wirtz, Havertz (Goretzka 85')
Bregu i Fildishtë: Fofana, Kossounou, Singo (Doue 82''), Agbadou, Konan, Kessie, Sangare (Fofana 75'), Inao Oulai, Diomande (Pepe 85'), Diallo (Adingra 75'), Bonny (Guessand 75').
Bregu i Fildishtë ishin shumë pranë një prej befasive më të mëdha të ditës, por minutat shtesë rezultuan fatale për ta, ndërsa gjermanët siguruan kualifikimin për në fazën tjetër të garës.
Bregu i Fildishtë kaloi në epërsi në minutën e 30-të, kur Franck Kessié shfrytëzoi një rast të mirë dhe nga afërsia mposhti portierin gjerman për rezultatin 1:0.
Skuadra afrikane vazhdoi të rrezikonte dhe krijoi disa mundësi të mira, duke e vënë nën presion të madh Gjermaninë.
Megjithatë, selektori gjerman gjeti zgjidhjen nga stoli. Në minutën e 68-të, zëvendësuesi Deniz Undav u gjend në vendin e duhur dhe realizoi golin e barazimit për 1:1.
Kur dukej se ndeshja do të mbyllej pa fitues, Gjermania shtoi presionin në minutat e fundit. Heroi i mbrëmjes ishte sërish Undav, i cili në minutën e 90+4 goditi fuqishëm nga brenda zonës dhe vulosi përmbysjen e madhe për rezultatin përfundimtar 2:1.
Me këtë fitore, Gjermania kryeson Grupin E me gjashtë pikë dhe ka siguruar kalimin në fazën e eliminimit direkt. Ndërkohë, Bregu i Fildishtë mbetet në vendin e dytë me tri pikë dhe do të duhet të luftojë deri në fund për kualifikimin.
Në xhiron e fundit, më 25 qershor, Gjermania do të përballet me Ekuadorin, ndërsa Bregu i Fildishtë do të ndeshet me Curaçaon. Të dy takimet do të zhvillohen njëkohësisht, duke nisur nga ora 22:00.