Sulmuesi Albian Ajeti ka debutuar në mënyrën më të mirë të mundshme me skuadrën e re, Lugano, duke shënuar golin e fitores 1:0 ndaj Servette.
Uran Bislimi u paraqit titullar për Luganon, ndërsa Ajeti u inkuadrua në lojë në minutën e 67-të.
“Vetëm dy ditë pas transferimit në formë huazimi nga Baseli te Lugano, Ajeti u bë menjëherë heroi i skuadrës së tij të re.
Sulmuesi shqiptar shënoi në minutën e 90+4-t golin vendimtar për fitoren 1:0 ndaj Servette-s.
Pas një harkimi të Uran Bislimit, topi u devijua nga Beckham Castro dhe përfundoi te Ajeti.
Numri 9 i Luganos nuk gaboi dhe e dërgoi topin në rrjetë, duke i dhuruar skuadrës së tij një fitore dramatike në sekondat e fundit”, ka shkruar mediumi zviceran “Blick”.
Pas javës së gjashtë në elitën e futbollit zviceran, Lugano kryeson tabelën me 15 pikë, me pesë fitore në pesë ndeshje, ndërsa Servette renditet në vendin e dhjetë me 4 pikë.
