Liverpooli siguroi kualifikimin në 1/8 e finales së Carabao Cup pasi në Anfield mposhti Tottenhamin me rezultat 3:1.
Skuadra nga Merseyside ishte në epërsi gjatë pjesës më të madhe të ndeshjes. Tottenhami u rikthye në lojë në pjesën e dytë, por Dominik Szoboszlai në kohën shtesë e konfirmoi fitoren e vendasve.
Liverpooli kaloi në epërsi në minutën e 21-të, përmes Alexis Mac Allisterit. Argjentinasi, me një goditje të saktë, përfundoi aksionin e skuadrës vendase dhe i dha asaj avantazhin. Tottenhami u përpoq të përgjigjej, por Liverpooli e ruajti epërsinë deri në pushim.
Gakpo shënoi për 2:0, Tottenhami u rikthye
Liverpooli e rriti epërsinë në minutën e 54-t, kur shënoi Cody Gakpo. Pas një aksioni të mirë, në të cilin morën pjesë Rio Ngumoha dhe Miloš Kerkez, sulmuesi holandez realizoi për 2:0.
Megjithatë, Tottenhami nuk u dorëzua. Conor Gallagher në minutën e 69-të përfitoi nga një gabim i portierit të Liverpoolit pas një goditjeje nga këndi dhe e ngushtoi rezultatin në 2:1.
Mysafirët më pas tentuan të arrinin barazimin, por Liverpooli e përballoi presionin.
Rezultatin përfundimtar 3:1 e vendosi Szoboszlai në minutën e parë të kohës shtesë, duke eliminuar çdo dilemë rreth kualifikimit.
