Vuçiq e thotë troç: Shqiptarët duhet të bien dakord për një kompromis

Lajme

Vuçiq e thotë troç: Shqiptarët duhet të bien dakord për një kompromis

Më: 22 prill 2021 Në ora: 17:37
Aleksandar Vuçiq

Presidenti i Serbisë, Aleksandar Vuçiq tha se Kosova dhe Serbia duhet t’i përmbushin zotimet nga Marrëveshja e Brukselit.

Ai theksoi se “jo të gjithë mund të marrin gjithçka”, ndërsa shtoi se “shqiptarët duhet të bien dakord për një kompromis të caktuar”.

“Ju nuk dëgjoni ndonjë shantazh nga Beogradi. Ne nuk kërcënojmë me dëmshpërblim lufte dhe procese gjyqësore, por ne i dëgjojmë këto çdo ditë nga Prishtina dhe nuk ka asnjë reagim nga SHBA-ja dhe BE-ja”, tha Vuçiq.

Duke folur për “mini-Schengen”, Vuçiq tha se i është mirënjohës administratës amerikane për mbështetjen e idesë më shumë sesa vendeve evropiane.

Paraprakisht, Vuçiq në një video-lidhje me përfaqësuesit e Këshillit Atlantik foli për takimin me presidentin e SHBA-së, Joe Biden, duke paralajmëruar se Serbinë e pret një sitatë e vështirë politike.

Shfaq komentet
comments powered by Disqus
Sot mund të lexoni Shfletoni kopertinat