Kryeparlamentari i Serbisë, Ivica Daçiq u pyet sot rreth një teme që kishte të bënte me armatosjen e Forcës së Sigurisë së Kosovës nga Perëndimi.
I pari i legjislativit tha se Serbia nuk do ta lejojë siç e quajti ai pushtimin ushtarak të veriut të Kosovës.
“Ne kemi paralajmëruar hapur se çdo ndryshim i situatës në terren do të thotë që marrëveshjet e nënshkruara nuk janë më të vlefshme, Serbia nuk do të lejojë pushtimin ushtarak të Veriut të Kosovës.
Është e qartë për të gjithë se çfarë do të thotë kjo. Të gjithë janë të vetëdijshëm se nxitja e konflikteve të reja do të ishte fatale”, tha ai.
