Gjykata Kushtetuese dhe Supreme e Kosovës në konferencë të përbashkët me gjykatat homologe nga Shqipëria

Lajme

Gjykata Kushtetuese dhe Supreme e Kosovës në konferencë të përbashkët me gjykatat homologe nga Shqipëria

Më: 16 maj 2022 Në ora: 11:53
Foto ilustrim

Gjykata Kushtetuese e Republikës së Kosovës, me përkrahjen e Fondacionit gjerman për bashkëpunim ligjor ndërkombëtar “IRZ”, organizon konferencën e përbashkët me Gjykatën Kushtetuese dhe Gjykatën e Lartë të Republikës së Shqipërisë, dhe me Gjykatën Supreme të Republikës së Kosovës, në temën: “Ndërveprimi i juridiksionit gjyqësor dhe kushtetues për garantimin e shtetit të së drejtës: Përvoja nga Kosova, Shqipëria dhe Gjermania”.

Kjo është konferenca e parë e përbashkët e kësaj natyre që organizohet ndërmjet gjykatave simotra të Republikës së Kosovës dhe Republikës së Shqipërisë, e cila do të mbahet në “Hotel Emerald” në Prishtinë, më 17 dhe 18 maj 2022, me fillim në ora 09:30.

Krahas gjyqtarëve nga Kosova dhe Shqipëria, prezantues në këtë konferencë dhe njëherësh moderator i një prej paneleve për diskutim, do të jetë edhe ish-gjyqtari i Gjykatës Kushtetuese Federale të Gjermanisë, Prof. dr. Reinhard Gaier.

Ftohet përfaqësuesi i medias tuaj për të marr pamje nga fillimi i punimeve të konferencës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat