Presidenti i Serbisë, Aleksandar Vuçiq, ka theksuar se serbët nga Kosova ballafaqohen me probleme të përditshme të cilat, siç tha, “i imponohen nga ata që përpiqen të vjedhin atë që nuk është e tyre”
Sipas tij, serbët nga Kosova nuk duan ta vuajnë më siç e quajti ai “atë terror”.
Vuçiq në një postim në llogarinë e “Ardhmja e Serbisë” shtoi se do të bëjë gjithçka që zëri i serbëve nga Kosova të dëgjohet.
“Dhe unë do të vazhdoj gjithmonë dhe në çdo vend të luftoj për popullin tonë dhe vendin tonë. Serbia do të fitojë”, tha Vuçiq në një postim në llogarinë E ardhmja e Serbisë”.
