Mariçiq: Përgatitja e Ligjit të ri për ndërmjetësim është në fazën përfundimtare

Maqedonia

Mariçiq: Përgatitja e Ligjit të ri për ndërmjetësim është në fazën përfundimtare

Më: 15 dhjetor 2020 Në ora: 15:13
Bojan Mariçiq

 Ministri i Drejtësisë, Bojan Mariçiq njoftoi se përgatitja e Ligjit të ri për ndërmjetësimi është në fazën përfundimtare. Në konferencën “Përfitimet e ndërmjetësimit si një mënyrë alternative për zgjidhjen e mosmarrëveshjeve” Mariçiq në fjalën e tij theksoi se për atë qëllim është formuar një grup pune për të hartuar një zgjidhje ligjore që duhet të tejkalojë problemet e konstatuara deri më tani, në të cilat tregoi praktika gjatë procedurave të ndërmjetësimit.

Gjatë hartimit të Ligjit, grupi i punës, siç theksoi ministri, vazhdoi të monitorojë përvojat evropiane të Këshillit të Evropës dhe Bashkimit Evropian.

Mariçiq prezantoi edhe një pjesë të risive që parashikohen me zgjidhjen e re ligjore. Ligji paraqet risi në lidhje me mënyrën e dhënies së provimit për ndërmjetës para një komisioni që do të ndikojë në krijimin e një stafi cilësor, profesional dhe të trajnuar që do të kryejë me sukses punën në fushën e ndërmjetësimit.

“Hyrja e të gjitha kërkesave të marra për ndërmjetësim në Regjistrin elektronik bëhet e detyrueshme, si dhe të dhënat për rrjedhën e mëtejshme të procedurës, ndërsa të dhënat treguan se janë të dobishme jashtëzakonisht nga aspekti statistikor, nga të cilat mund të gjenerojnë parametrat e zbatueshmërisë dhe suksesi i ndërmjetësimit në praktikë dhe do të mundësohet në bazë të lëndëve të regjistruara në Regjistër, ndërmjetësi ta realizojë të drejtën për subvencionim të procedurave për ndërmjetësim”, tha Mariçiq.

Sipas ministrit, ndërmjetësimi si mënyrë për të zgjidhur kontestet flet edhe për kulturën në shoqëri, në kuptimin që ndryshimet mund të kapërcehen përmes dialogut, mirëkuptimit dhe shmangies së stresit dhe shpenzimeve që mund të vijnë nga mbajtja e seancave gjyqësore.

Shfaq komentet
comments powered by Disqus
Sot mund të lexoni Shfletoni kopertinat