Digjet brenda shtëpisë një 46 vjeçar në Maqedoninë e Veriut

Maqedonia

Digjet brenda shtëpisë një 46 vjeçar në Maqedoninë e Veriut

Më: 21 janar 2021 Në ora: 13:56
Foto ilustrim

Në fshatin Gërdovc në Maqedoninë e Veriut, një person ka vdekur si pasojë e një zjarri që ka përshirë një shtëpi.

Mediat atje raportojnë se edhe një person është lënduar dhe është transferuar për mjekim në Spitalin e Përgjithshëm në Koçan.

Me intervenim të shpejtë të ekipit nga Njësia Territoriale e Zjarrfikësve nga Koçani, zjarri u lokalizua dhe u parandalua të përhapet në të gjithë objektin.

“Rreth orës gjashtë të këtij mëngjesi morëm thirrje për intervenim në një ndërtesë banimi në Gërdovc, ku gjetëm flakë në dy hapësira. Fatkeqësisht, një burrë 46 vjeç u dogj kurse nëna e tij e cila thithi gazra të dëmshëm nga tymi, u transferua në spitalin e Koçanit. Intervenuam me tre automjete dhe pesë zjarrfikës, duke parandaluar që flakët të mbërrinin në hapësirat ngjitur me ambientet shoqëruese afër. Rezultatet fillestare çojnë në supozimin se zjarri ishte shkaktuar nga një cigare e pashuar që personi i vdekur e kishte derisa qëndronte i shtrirë në shtrat”, theksoi Bllagoj Paunov, komandant i Njësisë Territoriale Zjarrfikëse, Koçan.

Në vendin e ngjarjes në vijim është ekspertiza nga ana e inspektoratit policor dhe prokurorit publik.

Shfaq komentet
comments powered by Disqus
Sot mund të lexoni Shfletoni kopertinat