Me mbi 500 amendamente të dorëzuara, OBRM-PDUKM-ja ka bllokuar propozim ligjin për shtetësi të dorëzuar nga Aleanca për Shqiptarët dhe Alternativa.
Kreu i Aleancës Ziadin Sela tha se ky veprim i opozitës maqedonase është jonjerëzor. Ai akuzoi partinë e Mickoskit dhe LSDM-në se sillen në mënyrë antinjerëzore.
Sela paralajmëroi se që nga ky moment, në mënyrë të njëjtë, përmes mijëra amendamenteve, do të bllokojnë çdo ligj në Kuvend.
Koordinatori i grupit parlamentar të OBRM-PDUKM-së Micevski tha se është e papranueshme që të tolerojnë të sillet ligj, i cili do të mundësojë marrjen e nënshtetësisë me tre dëshmitarë.
Ndërsa edhe pse në koalicion me Zoran Zaevin i cili kundërshton ngjashëm si OBRM-PDUKM-ja propozim ligjin, Fadil Zendeli i Lëvizjes Besa tha se e mbështesin këtë nismë të opozitës shqiptare.
