I prekur me koronavirus,Tërstena shkruan nga spitali

Maqedonia

I prekur me koronavirus,Tërstena shkruan nga spitali

Më: 26 mars 2021 Në ora: 17:46
Shaban Tërstena

Mundësi dhe kampioni olimpik për mundje, Shaban Tërstena ka kaluar 15 ditë në Klinikën Infektive në Shkup, nga ku thotë se është më mirë dhe e shfrytëzon rastin për të falemnderuar stafin mjeksor.

“Unë jam akoma duke u trajtuar në një spital dhe sinqerisht i shoh me sytë e mi këta heronj të veshur me të bardha. Disa nga ata mjekë humbën jetën, dhe të gjithë të tjerët vazhdojnë të rrezikojnë jetën e tyre për të shpëtuar jetën e të tjerëve nga koronavirusi i mallkuar.

Kështu këto tri ditët e fundit, unë, domethënë shpirti im, isha shumë afër vdekjes, nga armiku i paparashikueshëm Covid-19. Të dashur njerëz të mirë, ju betohem në emër të Zotit, mos mendoni se unë, si një sportist dhe kampion i madh, munda këtë armik të madh, jo, në asnjë mënyrë, kjo nuk është e vërtetë. Unë nuk isha askush para virusit të mallkuar isha pa forcë dhe shpresë.” (sic) ka shkruar ai.

Tërstena thotë se shteti duhet t’i motivojë, dekorojë dhe shpërblejë ekipin mjekësor në Maqedoninë e Veriut për mundin dhe sakrificën gjatë pandemisë.

Shfaq komentet
comments powered by Disqus
Sot mund të lexoni Shfletoni kopertinat