Në spitalet e Maqedonisë 760 pacientë po trajtohen nga coronavirusi

Maqedonia

Në spitalet e Maqedonisë 760 pacientë po trajtohen nga coronavirusi

Më: 9 maj 2021 Në ora: 14:10
Foto ilustrim

Numri i përgjithshëm i pacientëve pozitivë dhe të dyshuar për coronavirusin që trajtohen në departamentet infektive të kryeqytetit dhe në spitalet në të gjithë vendin është 760, ndërsa ka rreth 915 shtretër spitalorë të lirë.

“Në 24 orët e kaluara në qendrat kovide në spitalet në të gjithë vendin, është raportuar se po trajtohen një total prej 436 pacientësh pozitivë dhe të dyshuar për coronavirus.

Në 24 orët e kaluara, 9 pacientë të rinj janë shtruar në spital në Qendrat Covid në Shkup për shkak të ndërlikimeve nga coronavirusi. Gjithsej 324 persona të dyshuar ose të konfirmuar për Covid-19 po trajtohen në departamentet e sëmundjeve infektive në kryeqytet.

Sipas raporteve të spitaleve që arrijnë në Ministrinë e Shëndetësisë në baza ditore, 51 pacientë pozitivë ose të dyshimtë ndaj Covid-19 janë të shtruar në spitalin në Manastir. 52 pacientë janë të shtruar në spitalin e Shtipit. Reparti infektiv në Tetovë ka 11 pacientë, në Veles trajtohen 50 pacientë dhe në Kumanovë 53 pacientë pozitivë dhe të dyshimtë ndaj Covid=19.

Në qendrën kovide në Ohër ka 50 pacientë, në Prilep 39, në qendër kovide në Gostivar 15 , dhe në Strugë 16 pacientë. 40 pacientë u shtruan në spitalin e Strumicës, 19 në Koçan, 9 në Kërçovë, 25 në Kavadar dhe 6 në Gjevgjeli”, thuhet në raportin e MSH-së.

Shfaq komentet
comments powered by Disqus
Sot mund të lexoni Shfletoni kopertinat