Mickoski: Nuk na duhet BE nëse ne shkojmë drejt asimilimit

Maqedonia

Mickoski: Nuk na duhet BE nëse ne shkojmë drejt asimilimit

Më: 2 korrik 2022 Në ora: 20:36
Mickoski

Sonte përpara fillimit të protestës “Ultimatum – Jo faleminderit”, lideri i partisë opozitare OBRM-PDUKM, Hristijan Mickoski tha se propozimi francez është kapitullim për Maqedoninë.

Ai tha se Maqedonisë nuk i duhet Evropa nëse kalon vendi në asimilim.

“Populli i Maqedonisë nuk do ta harrojë këtë. Nuk na duhet Evropa, nëse duhet të asimilohemi”, ishte mesazhi i Hristijan Mickoskit.

Nuk dua të jem në Evropë sepse kam të drejtë të jem maqedonas, që flet gjuhën maqedonase dhe që lufton për Maqedoninë e tij, për identitetin e tij, për kulturën e tij, për historinë e tij dhe për trashëgiminë e tij. Këtë dua ta porosis sot, dhe kështu porosisin këta dhjetëra mijëra qytetarë, tani pas disa javësh nga ai manifestim madhështor i 18 qershorit”, tha Mickoski.

Siç tha Mickoski, ai i thotë Qeverisë se nuk i intereson mesazhi i Edi Ramës, por i intereson mesazhi i këtyre mijëra njerëzve këtu, dhe kjo është “jo” për propozimin e fundit.

Ne do të presim, nëse Evropa është e gatshme të na presë ne si vendas të qytetëruar ku e kemi vendin, janë të mirëseardhur, identiteti është para së gjithash”, theksoi lideri i OBRM-PDUKM-së, Mickoski.

Mickoski shtoi se në protestë ka njerëz nga të gjitha partitë politike, por edhe të pavendosur, që protestojnë kundër qeverisë aktuale.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat