Rritja e çmimit të drunjve në Maqedoni, inspektorati do të del në terren

Maqedonia

Rritja e çmimit të drunjve në Maqedoni, inspektorati do të del në terren

Më: 3 tetor 2022 Në ora: 18:19
Foto ilustrim

Sipas rregullativës së Ndërmarrjes Publike “Pyjet Kombëtare” çmimi për një metër kub drunj për ngrohje është 3.000 denarë, por kohëve të fundit, pasi qytetarët nisën të furnizohen me drunj për ngrohje, informacionet flasin se ata paguajnë 50% çmim më të lartë respektivisht nga 4.500 deri në 6.000 denarë për një metër kub.

Në takim me gazetarë, ministri për Ambient Jetësor, Naser Nuredini, ka theksuar se pasi është informuar për këtë rritje enorme të çmimit të drunjve, pret që nesër të njoftohet zyrtarisht edhe nga Inspektorati i Tregut dhe nga Inspektorati Shtetëror për Pylltari dhe gjueti.

“Këtë temë e hapëm në seancën e kaluar qeveritare. Në rregullore shkruan 3.000 denarë. Përse shitet me këto çmime në sektorin privat, presim informacione nga Inspektorati”, deklaroi Naser Nuredini – Ministër i Ambientit Jetësor.

Ministri Nuredini gjithashtu ka bërë thirrje që të ndalohet prerja e jashtëligjshme e pyjeve.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat