Incident mes deputetëve në Maqedoni të Veriut, ndërhyn sigurimi

Maqedonia

Incident mes deputetëve në Maqedoni të Veriut, ndërhyn sigurimi

Më: 15 maj 2025 Në ora: 14:55
Foto ilustrim

Një incident ka ndodhur në korridoret e Kuvendit të Maqedonisë së Veriut ndërmjet liderit të partisë E Majta (Levica) dhe deputet, Dimitar Apasiev, dhe deputetit të VMRO-DPMNE-së, Petar Ristevski.

Sipas dëshmitarëve okularë, deputeti i VMRO-DPMNE-së i ka shprehur pakënaqësi kryetarit të Levicës për publikimin e shpenzimeve të tij të udhëtimit dhe ka filluar me fyerje në baza personale, ndaj çka ka reaguar ashpër deputeti i Levicës.

Në fyerjet e tij, deputeti i VMRO-DPMNE-së ka përmendur edhe gruan dhe fëmijët e Apasievit. Sipas burimeve të “Lokalno”, ka ndërhyrë edhe sigurimi i Kuvendit, raporton Ina Online.

Siç mësohet, Ristevski ka filluar t’i bëjë kërcënime Apasievit, pas çka Apasiev ka hedhur filxhanë drejt tij.

comment Për komente lëvizni më poshtë
Sot mund të lexoni Shfletoni kopertinat