Alarmi i rremë për bombë ndërpreu funksionimin e Aeroportit të Shkupit

Maqedonia

Alarmi i rremë për bombë ndërpreu funksionimin e Aeroportit të Shkupit

Më: 16 gusht 2025 Në ora: 11:42
Foto ilustrim

Aeroporti Ndërkombëtar i Shkupit ndaloi punën për pak kohë, pas një alarmi për bombë.

Sipas informacioneve nga MPB, sot (16.08.2025) në orën 02:41 në numrin e urgjencës 112 është marrë një lajmërim për një bombë të vendosur në një avion që duhej të nisej drejt Turqisë.

Menjëherë pas marrjes së njoftimit, njësitë speciale të policisë dhe ekipi antiterrorist kryen kontrolle të hollësishme. Pas verifikimeve është konstatuar se bëhej fjalë për një alarm të rremë, ndërsa nuk është gjetur asnjë pajisje shpërthyese.

Rreth orës 06:00, aeroporti rifilloi punën e rregullt dhe fluturimet vazhduan pa pengesa.

comment Për komente lëvizni më poshtë
Sot mund të lexoni Shfletoni kopertinat