Osmani: Epërsia e BDI-së ndaj VLEN-it është shumë edhe më e madhe se në anketa

Maqedonia

Osmani: Epërsia e BDI-së ndaj VLEN-it është shumë edhe më e madhe se në anketa

Më: 27 shtator 2025 Në ora: 18:25
Bujar Osmani

Kandidati për kryetar të Çairit, Bujar Osmani, komentoi rezultatet e anketës së fundit të Agjencisë “Market Vision”, duke thënë se epërsia e BDI-së tashmë nuk mund të fshihet.

Osmani tha se BDI ka një epërsi bindëse ndaj koalicionit VLEN dhe këto rezultatet nga anketat e OBRM-PDUKM-së, po i pranojnë dhe deputetët e partisë në pushtet.

“Mëngjesin e sotëm pati debate të ndryshme se çfarë mesazhi dëshiron të japë, por ndoshta në përpjekje për të promovuar rezultatet e veta, OBRM-PDUKM ka harruar se po publikon një të vërtetë që përpiqen ta mbulojnë me javë e muaj, e ndoshta tashmë nuk mund ta fshehin. Një të vërtetë që tek shqiptarët këto zgjedhje po shndërrohen në një vendimmarrje plebishitare. OBRM-PDUKM është përpjekur ta shfrytëzojë anketën për të promovuar rezultatet e saj, në fakt ka zbuluar të vërtetën në bllokun politik shqiptar. Epërsia e BDI-së ndaj VLEN-it është edhe më e madhe", tha Osmani.

Osmani tha bëri thirrje për dalje masive në zgjedhjet lokale, pasi siç tha ai, është koha për ndryshim.

comment Për komente lëvizni më poshtë
Sot mund të lexoni Shfletoni kopertinat