Mucunski: Mbi 60 përqind e kandidatëve të rinj për ambasadorë janë diplomatë profesionistë

Maqedonia

Mucunski: Mbi 60 përqind e kandidatëve të rinj për ambasadorë janë diplomatë profesionistë

Më: 19 shkurt 2026 Në ora: 12:27
Ministri i Punëve të Jashtme dhe Tregtisë së Jashtme, Timço Mucunski

Ministri i Punëve të Jashtme dhe Tregtisë së Jashtme, Timço Mucunski, duke u përgjigjur pyetjeve gazetareske sot para fillimit të Forumit të Biznesit Maqedono-Sllovak, tha se mbi 60 përqind e kandidatëve të rinj për ambasadorë janë diplomatë profesionistë nga radhët e punonjësve të Ministrisë së Punëve të Jashtme dhe Tregtisë së Jashtme (MPJTJ).

Ai konfirmoi se në seancën e fundit qeveritare propozoi disa emra, të cilët do t'i konfirmojë pasi të marrë marrëveshjet.

"Procesi i emërimit dhe plotësimit të pozicioneve të shefave të misioneve diplomatike dhe konsullore në përputhje me Ligjin për Punë të Jashtme është i koordinuar nga unë, por i gjithë procesi nënkupton koordinim me Presidentin e Shtetit dhe Kryeministrin.

Pas një koordinimi të tillë me Presidentin e shtetit dhe Kryeministrin, në seancën e fundit qeveritare mund të konfirmoj se është e saktë që kam propozuar disa emra, si Ministër i Punëve të Jashtme dhe Tregtisë së Jashtme, për të plotësuar disa pozicione të shefave të misioneve diplomatike dhe konsullore", tha Mucunski.

comment Për komente lëvizni më poshtë
Sot mund të lexoni Shfletoni kopertinat