Kryeministri i vendit Avdullah Hoti përsëri gjatë ditës së sotme ka bërë thirrje për të u bërë bashkë subjektet politike për postin e presidentit ose të shkojnë në zgjedhje. “Unë besoj që duhet të ulemi në tryezë, secila parti le ta jep vlerësimin e saj, opinionin e vet se si e sheh daljen nga kjo situatë”, tha Hoti.
Ai i përmendi edhe zgjedhjet, si opsion i mundshëm. “Nëse nuk ka një vullnet të tillë, në rregull, bisedojmë për datën e zgjedhjeve”, tha Hoti.
Në lidhje me këtë temë njohësi i çështjeve politike, Muhamet Kelmendi u shpreh që thirrjet e Hotit janë karakter të bashkimit të subjektëve politike me pretendimet e LDK-së lidhur me zgjedhjen e presidentit të vendit, mirëpo që është e pamundur të realizohet një sukses dhe të bashkohen subjektet.
Kelmendi shprehët që thirrjet nuk mund të cilësohen pozitive sepse sipas tij këto thirrje krijojnë përqarje mes subjekteve politike, e mira do të ishte që vet ato të bëhen bashkë dhe të arrijnë në një kompromis të nevojshëm.
“Thirrjet e Hotit kanë karakter të bashkimit të subjekteve politike me pretendimet e LDK-së lidhur me zgjedhjen e presidentit të vendit. Në këtë anë është e pamundur që të realizohet ndonjë sukses dhe subjektet të bashkohen. Ka shumë kontradiksione dhe shumë pretendent për president. Mirëpo, pavarësisht kësaj, thirrjet e tilla nuk janë pozitive, sepse që në thirrje krijohet përçarja. Me këtë duket se vet z. Hoti nuk ka qëllim të mirë kundruall gjendjës. E mira është që të bisedohet çështja midis subjekteve, pa thirrje publike,sepse kështu dhe me këtë formë të thjesht nuk zgjedhet presidenti. Presidenti zgjedhet duke bërë kompromise të nevojshme, në Kosovë e kemi një koalicion dhe për mua është e ndryshme që koalicioni të dali me kandidatin e vet”, u shpreh Kelmendi.
Në fund Kelmendi thotë që partitë e tjera do të paraqesin kandidatët e tyre dhe kështu ajo që krijohet është shkuarja në zgjdhjet e jashtëzakonshme.
Sipas njohësit të çështjeve politike lypset pajtueshmëria e subjekteve për të shkuar në zgjedhjet e parakohshme, ose të bie qeveria dhe ushtruesja e postit të presidentes të detyrohet të i shpallë ato, ndryshe nuk ecet në zgjedhje, thotë ai.
“Me siguri edhe partitë tjera do të paraqesin kandidatë ose jo. Por sido kudo ajo e krijon gjendjen që të shkohet në zgjedhje të jashtëzakonshme. Ndryshe, nuk dihet se si. Këtu lypset pajtueshmëria e subjekteve për zgjedhje të reja që Qeverisë të i shpallen zgjedhjet, ose duhet të bie Qeveria dhe kryesuesja e Presidentit detyrohet që të i shpall. Ndryshe nuk ecet në zgjedhje”, përfundoi Kelmendi për “Bota sot”.
