“Lufta” për postin e kryeministrit, profesori e zbulon skenarin e PDK-së: Ja kush do të ishte fituesi dhe dështimi i debatit mes Kurtit e Hoxhajt

Politika

“Lufta” për postin e kryeministrit, profesori e zbulon skenarin e PDK-së: Ja kush do të ishte fituesi dhe dështimi i debatit mes Kurtit e Hoxhajt

Nga: N. H Më: 19 janar 2021 Në ora: 22:54
Albin Kurti dhe Enver Hoxhaj

Ditë më parë, Enver Hoxhaj, kandidat i PDK-së për kryeministër, shprehi gatishmërinë për debate televizive me kreun e Vetëvendosjes, Albin Kurti, kërkesë kjo e cila është refuzuar nga Kurti.

“Kjo garë është për vendin e dytë në zgjedhjet e 14 shkurtit. E në atë garë, as unë as zonja Presidente, as s’kemi çfarë bëjmë as s’kemi çfarë kërkojmë”, ka qënë kjo përgjigja e kreut të Vetëvendosjes Albin Kurti, ndaj ftesës së hapur të kreut të PDK-së Enver Hoxhaj për të zhvilluar disa debate televizive.

Profesori Sulejman Mehazi në një prononcim për “Bota sot” ka folur lidhur kërkesat e Hoxhajt për debatin me Kurtin.

Mehazi është shprehur se sikurse PDK-ja, ashtu edhe partitë tjera politike nw vend mendojnë se do të dalin fituese të zgjedhjeve të 14 shkurtit, mirëpo sipas tij, realiteti është ndryshe.

Image
Sulejman Mehazi

“Jo vetëm Enver Hoxhaj me partinë e vet të PDK-së mendojnë se do fitojnë, po edhe çdo lider partiak mendon, hiç më pak se i pari i PDK-së Hoxhaj. S’ka parti politike që gjatë fushatës zgjedhore nuk mendojnë sikurse PDK-ja. Secila parti politike gjatë fushatës zgjedhore shprehë dëshirat e veta fitimtare, edhe Fatmir Limaj me partinë e tij të vogël NISMA e sheh veten favorit e fitimtar”, shprehet Mehazi.

Sipas Mehazit, kërkesat e Hoxhajt për debat me Kurtin janë vetëm për të promovuar PDK-në për këto zgjedhje, ndërsa mendon se kandidati i PDK-së është inferior ndaj kandidatit të VV-së.

“Gjatë zgjedhjeve parlamentare nuk ka parti që nuk lavdërohet e nuk favorizon veten. Prandaj, sa ka të drejtë Enver Hoxhaj ta favorizojë veten, aq kanë të drejtë edhe Albin Kurti, Isa Mustafa e Haradinaj. Më qesharake është, se zotëri Enver Hoxhaj nga pamundësia për ta promovuar veten kërkon debat televiziv me më të fuqishmin e këtyre zgjedhjeve Albin Kurtin. Hoxhaj aq është inferior ndaj Albin Kurtit sa që për t’u rritur vet kërkon duel politik me liderin e LVV-së Albin Kurtin, i cili marrëveshjen e tij politike parazgjedhore e bën me qytetarët e jo Hoxhajn, Isën e Haradinaj”, ka deklaruar ai.

Ai madje konsideron se vet kjo kërkesë është dorëzim para Albin Kurtit dhe partisë së tij.

“Vet kërkesa e debatit me Kurtin tregon dorëzimin e PDK-së para LVV-së. Jo një, po edhe dhjetë debate të kishte Hoxhaj me Kurtin do dështonte, për shkak se rrjedha e partisë së tij vjen nga burimet e pa pastërta qeveritare njëzetvjeçare të Hashim Thaçit e Kadri Veselit, përkundër rrjedhës së pastër opozitare popullore të LVV-së. Debati i Kurtit me Hoxhajn do ishte i pavlerë, i pa dobishëm, humbje kohe, debat i filmave vizatimor. Debati i vërtet i Hoxhajt me Kurtit do jetë fitorja e madhe e LVV-së më 14 shkurt 2021”, tha në fund, opinionisti e profesori Sulejman Mehazi, për gazetën “Bota sot”.

Shfaq komentet
comments powered by Disqus
Sot mund të lexoni Shfletoni kopertinat