“Dora e zezë” vrau Xhemajl Mustafën/Shahu e përkujton me disa fjalë rrëqethëse

Politika

“Dora e zezë” vrau Xhemajl Mustafën/Shahu e përkujton me disa fjalë rrëqethëse

Nga: M.H. Më: 23 nëntor 2021 Në ora: 14:48
Presidenti Ibrahim Rugova dhe Xhemajl Mustafa

Sot bëhen 21 vjet që nga vdekja e veprimtarit të shquar të LDK-së, Xhemajl Mustafës.

Ani pse kanë kaluar 21 vite, e vërteta e vrasjes së tij ende nuk është zbuluar, përcjell “Bota sot”.

Veprimtari Xhemajl Mustafa është vrarë më 23 nëntor të vitit 2000 në Prishtinë.

Teksa po hynte në banesën e tij në lagjen “Dardania”, ai ishte qëlluar me armë zjarri nga dy persona.

Në lidhje me përvjetorin e Mustafës ka folur për “Bota sot”, analisti politik Rexhep Shahu, i cili u shpreh se vrasja e Mustafës ishte vrasje e qëllimshme për ta zhdukur fytyrën e civilizimit.

Sipas Shahut, Mustafën e vrau “dora e zezë” mirëpo mbeti në panteonin e nderit.

Image
Rexhep Shahu

Vrasja e Xhemail Mustafës ishte vrasja ee dinjitetit, vrasja e njerëzve me dinjitet, të dijshëm, të modelit të qeverisjes, ishte vrasje e qëllimshme për ta zhduk atë fytyrë civilizimi që ai përfaqësonte. E vrau dora e zezë por ai hyri në përjetësi, në panteonin e nderit. Vrasësit mbetën gjithmonë me fytyrë terri të akuzuar gjithmonë dhe bën pushtet frikë”, u shpreh ai.

Në fund, analisti thotë që edhe pse kanë shkaur dy dekada kriminelët vazhdojnë të urrehen ndërsa Xhemajli vazhdon të rritet e nderohet.

U zbuluan ose jo vrasësit e Xhemail Mustafës ata nuk kanë arritë të jenë asnjë çast njerëz të lirë ta gëzojnë jetën e lirinë sepse frika është sundimtarja e tyre. Dy dekada shkuan dhe kriminelet vazhdojnë urrehen e Xhemajli vazhdon rritet e nderohet”, tha Rexhep Shahu për “Bota sot”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat