Situata me koronavirus në Han të Elezit, Ballazhi jep detaje: Ja masat që janë marrë

Politika

Situata me koronavirus në Han të Elezit, Ballazhi jep detaje: Ja masat që janë marrë

Nga: A.M. Më: 25 janar 2022 Në ora: 23:01
Mehmet Ballazhi

Situata me pandeminë Covid-19 në Kosovë ka filluar të përkeqësohet, ku ditëve të fundit numri i të infektuarve ka qenë shumë i lartë.

Së fundi, shkaku i rritjes së infektimeve, qeveria ka vendosur edhe masa të reja.

Kurse, për gazetën “Bota sot”, kryetari i komunës së Hanit të Elezit, Mehmet Ballazhi foli për situatën me covid në komunën e tij.

Ballazhi tha se fatkeqësisht viti 2022 nuk i ka gjetur mirë me situatën e pandemisë Covid-19, ku vetëm në muajin janar ka pasur 25 raste pozitive.

“Siç jemi në dijeni të gjithë, fillimi i vitit 2022 nuk po na gjen aspak mirë me pandeminë në nivel shtetëror. Fatkeqësisht, edhe Hani i Elezit është prekur nga ky virus në këtë fillim vit. Gjatë muajit janar janë 25 raste pozitive, por që në momentin e parë që janë shfaqur rastet, janë marrë masat e duhura dhe janë karantinuar të infektuarit, janë hetuar rastet e kontaktit me të infektuarit, dhe po bëhet çmos që të parandalohet përhapja e mëtutjeshme e virusit”, deklaroi ai.

Ndërsa, Ballazhi njoftoi se shkollat janë të dezinfektuar dhe bëri thirrje te qytetarët të vaksinohen.

“Shkollat janë dezinfektuar në vazhdimësi, gjithashtu edhe objektet e tjera. Po ashtu është bërë thirrje e vazhdueshme tek qytetarët që të respektohen rekomandimet e IKSHPK'së dhe MASHT'it dhe është sensibilizuar masa e gjerë për vaksinimin”, përfundoi Mehmet Ballazhi për “Bota sot”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat