Vuçiq pranë gjunjëzimit! Pritet izolimi total i Serbisë!

Politika

Vuçiq pranë gjunjëzimit! Pritet izolimi total i Serbisë!

Nga: N. Sh. Më: 28 shtator 2022 Në ora: 23:35
Aleksander Vuçiq

Sot u raportua se Parlamenti Evropian (PE) pritet të kërkojë që vazhdimi i bisedimeve të anëtarësimit mes Serbisë dhe Bashkimit Evropian (BE) të kushtëzohet me vendosjen e sanksioneve nga Beogradi ndaj Rusisë.

Kjo kërkesë është pjesë e një draft-raporti për strategjinë e zgjerimit të BE-së të përgatitur nga Tonino Piculla, deputet socialdemokrat nga Kroacia, i cili është raportues i PE-së për këtë strategji.

Në propozime po ashtu thuhet se duhet “të bëhet prioritet përshtatja e vendeve nga procesi i zgjerimit me politikën e përbashkët të jashtme dhe të sigurisë së BE-së dhe të vazhdohen negociatat e anëtarësimit me Serbinë, vetëm nëse ky vend i bashkohet sanksioneve të BE-së ndaj Rusisë”.

Në disa qarqe të BE-së është shprehur zhgënjim me sjelljen e Serbisë, pasi Beogradi javën e kaluar nënshkroi një marrëveshje për konsultime në fushën e politikës së jashtme me Federatën Ruse.

Edhe Shtetet e Bashkuara shprehën shqetësim për këtë marrëveshje, teksa ambasadori amerikan në Beograd, Christopher Hill, tha se në kohën kur pushtimi i Ukrainës po vazhdon, askush nuk do të duhej “të nënshkruante diçka me Rusinë”.

“Presidenti i Serbisë, Aleksandër Vuçiq ka vetëm një vit afat që të nënshkruajë një marrëveshje me Kosovën dhe një ditë afat që t’i vendos sanksione Rusisë, menjëherë pasi të formohet qeveria e re me në krye Ana Bërnabiç”, kështu kanë shkruar mediat e Beogradit duke cituar burime diplomatike.

Nëse Serbia nuk është e gatshme të harmonizojë politikat e jashtme me ato të Bashkimit Evropian, atëherë do të përballet me masa kufizuese të BE-së.

“Nëse Bashkimi Evropian vendos për sanksione, hapi i parë do të jetë ndalimi i fluksit të parave në Serbi, pastaj anulimi i Shengenit, ndalimi i negociatave për anëtarësim në BE dhe më pas vijnë sanksionet”.

Për këtë çështje, profesori dhe analisti politik, Sulejman Mehazi thotë se asnjëherë më parë BE-ja nuk i ka vë kësi kushte të rënda Serbisë.

“Si kurrë më parë BE-ja kësi kushte të rënda nuk i ka dhënë Serbisë që të deklarohet hapur e qartë se a është për sanksione ndaj Rusisë apo jo?, se a është me BE-në apo Rusinë?, se a është Vuçiqi për ndikimet ruse në Ballkanin Perëndimor apo për BE-në?, se a është për paqë apo për luftë me Kosovën?, se a është për një dialog përfundimtarë e paqësor për njohje reciproke mes Kosovës e Serbisë apo jo?”, thotë Mehazi për gazetën “Bota sot”.

Ai beson se presidentit të Serbisë, Aleksandar Vuçiqit, si ka mbetur gjë tjetër përveç që të pranojë kushtet paralajmëruese të BE-së në lidhje të shkëputjes së miqësisë së Serbisë me Rusinë.

“Nëse presidenti i Serbisë pranon urdhërat e BE-së për të sanksionuar Rusinë atëherë Vuçiqi do jetë i detyruar të pranonte edhe dialogun e stërgjatur e të lodhshëm të njohjes së Kosovës, nëse presidenti i Serbisë nuk pajtohet me sanksionet ndaj Rusisë atëherë varianti tjetër është izolimi total i Serbisë nga ana e BE-së, përveç kësaj do elektrizohej situata në Veri të Kosovës për një luftë të mundshme në mes Kosovës e Serbisë, ky variant i përskeqjes së situatës në Kosovë më së shumti do i konvenonte qeverisë së Kosovës për shkak se do përkrahej nga forcat progresive evropiane e amerikane”, thotë Mehazi.

Ai shton se, gjatë ditëve në vijim do kuptojmë se Vuçiqi a është për luftë apo për paqe.

“Nëse është për paqe me BE-në dhe Kosovën do fitonte edhe Serbia, nëse jo do izolohej nga BE-ja, Britania e Madhe e SHBA-ja njësoj sikurse që është e izoluar Rusia e Putinit”, përfundon Sulejman Mehazi.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat