Një alarm i rrejshëm për një bombë në Kuvendin e Kosovës, ka shtyrë tentimin për seancën konstituive para dy ditësh.
Seanca u mbajtë me disa orë vonesë, pasi u konfirmua se nuk kishte diqka shqetësuese për deputetët e zgjedhur të Kuvendit të Kosovës.
Njohësja e ҫështjeve politike, Magbule Shkodra ka thënë se është shqetësues një alarm i tillë, por që doli i rrejshëm.
“Situata në Kuvendi e Kosovës ishte shqetësuese për ne që po e përcjellim se si po shkonte kjo tentativa e konstituimit të Kuvendit dhe ai alarm që u dha ishte vërtetë shqetësues. Më vjen mirë që doli që nuk ishte serioze, ishte një alarm i rremë”, vlerëson Shkodra.
Sipas saj, kjo nuk mund të jetë bërë sa për të shtyrë seancën.
“Nuk besoj se dikush do ta bënte një gjë të tillë për të shtryë vazhdimin e seancës konstituive dhe tanimë po shihet vazhdimi i kësaj situate”, thotë ajo.
Sipas saj, alarme të tilla vetëm se e shqetësojnë dhe irritojnë qytetarët tashmë të dëshpëruar me situatën aktuale në vend.
“Shpresoj që në të ardhmen të mos ketë më alarme të ngjashme të cilat po na e shtojnë edhe më tepër shqetësimin që e kemi për mos konstituim të Kuvendit dhe se të tilla alarme vetëm se na irritojnë dhe na shtojnë atë padisponimin tonë me krejtë situatën”, thotë Shkodra për ‘Bota sot’.