10 vjet nga projekti ‘Shkupi 2014’, në vend të 80 u shpenzuan 567 milionë euro

Shkupi

10 vjet nga projekti ‘Shkupi 2014’, në vend të 80 u shpenzuan 567 milionë euro

Më: 4 shkurt 2020 Në ora: 22:25
Shkupi

Në ditën e sotme 10 vite më parë, nga Qeveria e atëhershme e udhëhequr nga OBRM-PDUKM u promovua projekti ‘Shkupi 2014’, projekt që më vonë nxiti polemika në opinion.

Ky investim i tejkaloi parashikimet fillestare për para të shpenzuara kështu që në vend të 80 milionë eurove që ishin paraparë, u shpenzuan shtatë herë më shumë, përkatësisht 567 milionë euro.

Objekti më i shtrenjtë i projektit ‘Shkupi 2014’ është objekti ku ndodhet Gjykata Kushtetuese, Arkivi Shtetëror dhe Muzeu Arkeologjik që kushtoi plot 42 milionë euro. Për Filarmoninë e Maqedonisë u shpenzuan 39 milionë euro ndërsa 2 milionë më pak u harxhuan për teatrin.

Projekti përfshiu edhe portën ‘Maqedonia’, bustin ‘Ushtari mbi kalë’ dhe shumë buste tjera. Gjithashtu u vendosën edhe fasada në shumë objekte ndërsa vetëm fasada e Qeverisë kushtoi 15 milionë euro dhe ishte më e shtrenjtë se fasadat tjera të vendosura në qendër të Shkupit.

Projekti ‘Shkupi 2014’ përfshin 132 objekte, 30 investitorë, 117 firma dhe 130 autorë.

Shfaq komentet
comments powered by Disqus
Sot mund të lexoni Shfletoni kopertinat